اسلام آباد: (نیا محاذ) وزیراعظم محمد شہباز شریف نے پاکستان کی معروف کوہ پیما نائلہ کیانی کو دنیا کی تیسری بلند ترین چوٹی کنچن جنگا سر کرنے پر زبردست خراجِ تحسین پیش کیا ہے۔
وزیراعظم نے اپنے پیغام میں کہا کہ نائلہ کیانی کا یہ کارنامہ نہ صرف پاکستانی خواتین کے لیے باعثِ فخر ہے بلکہ یہ ملک کے کوہ پیمائی کے شعبے میں ایک تاریخی سنگِ میل بھی ہے۔ انہوں نے کہا کہ خواتین کی کامیابیاں ہر شعبے میں پاکستان کا نام بلند کر رہی ہیں، اور کوہ پیمائی جیسے کٹھن کھیل میں ریکارڈ قائم کرنا ہمارے لیے باعثِ فخر اور تقویت ہے۔
واضح رہے کہ نائلہ کیانی اب تک آٹھ ہزار میٹر سے بلند 12 چوٹیاں سر کر چکی ہیں۔ وہ ماؤنٹ ایورسٹ، کے ٹو، نانگا پربت سمیت کئی بلند ترین پہاڑوں پر قومی پرچم لہرا چکی ہیں۔ ان کا تازہ ترین کارنامہ دنیا کی تیسری بلند ترین چوٹی کنچن جنگا (8650 میٹر) کو سر کرنا ہے، جو نیپال میں واقع ہے۔
نائلہ کیانی کی اس شاندار کامیابی پر سوشل میڈیا پر بھی انہیں بھرپور پذیرائی مل رہی ہے۔ ان کا حوصلہ، لگن اور عزم نئی نسل خاص طور پر خواتین کے لیے ایک مثالی تحریک بن چکی ہے۔
0
