نیا محاذ: راولپنڈی — انسداد دہشت گردی عدالت نے 26 نومبر کے احتجاجی مظاہروں سے متعلق 29 مقدمات میں سابق خاتون اول اور بانی تحریک انصاف عمران خان کی اہلیہ بشریٰ بی بی کی عبوری ضمانت میں 20 مئی تک توسیع کر دی ہے۔
اے ٹی سی راولپنڈی کے جج امجد علی شاہ نے مقدمات کی سماعت کی، جس دوران تمام تفتیشی افسران عدالت میں پیش ہوئے۔ استغاثہ کی جانب سے پراسیکیوٹر سید ظہیر شاہ نے مقدمات کا ریکارڈ عدالت میں پیش کیا۔
بشریٰ بی بی کے وکیل فیصل ملک نے عدالت سے استدعا کی کہ ان کی مؤکلہ کو تمام مقدمات میں تفتیش میں شامل کیا جائے، تاہم یہ کارروائی ان کے شوہر عمران خان اور قانونی ٹیم کی موجودگی میں کی جائے۔
عدالت نے وکیل صفائی کی استدعا منظور کرتے ہوئے حکم دیا کہ بشریٰ بی بی کو بانی پی ٹی آئی عمران خان اور ان کی قانونی ٹیم کی موجودگی میں شامل تفتیش کیا جائے۔
0
