کرک / شیخوپورہ (نیا محاذ) –کرک اور شیخوپورہ میں خوفناک ٹریفک حادثات، خیبرپختونخوا کے ضلع کرک میں اندوہناک ٹریفک حادثے میں خاتون اور بچوں سمیت 10 قیمتی جانیں ضائع ہو گئیں۔ انڈس ہائی وے پر لکی غنڈکی کے مقام پر ایک مسافر وین اور ٹرالر کے درمیان زور دار تصادم ہوا، جس کے نتیجے میں وین ٹرالر کے نیچے دب گئی۔
ریسکیو ذرائع کے مطابق حادثے میں 10 افراد جاں بحق جبکہ 5 شدید زخمی ہوئے۔ لاشوں اور زخمیوں کو فوری طور پر قریبی اسپتال منتقل کر دیا گیا۔ مقامی افراد اور امدادی ٹیمیں جائے حادثہ پر ریسکیو کارروائیوں میں مصروف رہیں۔
دوسری جانب، پنجاب کے ضلع شیخوپورہ میں لاہور روڈ پر ایک اور افسوسناک حادثہ پیش آیا جہاں ایک تیز رفتار ڈمپر نے رکشہ کو ٹکر مار دی۔ حادثے میں 3 افراد جاں بحق جبکہ خواتین سمیت 5 افراد زخمی ہو گئے، جنہیں فوری طور پر طبی امداد کے لیے اسپتال منتقل کیا گیا۔
حادثات کی وجوہات جاننے کے لیے تفتیش کا آغاز کر دیا گیا ہے۔
0
