نیامحاذ :واٹس ایپ کا نیا فیچر ، واٹس ایپ صارفین کی چیٹس شیئرنگ کو محدود کرنے اور رازداری کے تحفظ کے لیے ایک نیا فیچر متعارف کرانے جا رہا ہے۔ یہ نیا فیچر اینڈرائیڈ 2.25.10.14 ورژن میں واٹس ایپ بیٹا کے طور پر گوگل پلے سٹور پر دستیاب ہوگا۔
میٹا کی ملکیت والی اس مقبول انسٹنٹ میسجنگ ایپ کا نیا ایڈوانس چیٹ پرائیویسی فیچر صارفین کو یہ اختیار دے گا کہ وہ اپنے فون کی میڈیا فائلز کو ڈیوائس گیلری میں خود بخود محفوظ ہونے سے روک سکیں۔
یہ فیچر پہلے ہی غائب ہونے والی چیٹس پر لاگو تھا، تاہم اب واٹس ایپ اسے ان صارفین تک بڑھا رہا ہے جو مستقبل میں اس اختیاری ایڈوانس چیٹ پرائیویسی فیچر کو فعال کریں گے۔
اس نئی خصوصیت میں پرائیویسی کے تحفظات شامل ہوں گے، جیسے کہ چیٹ ہسٹری ایکسپورٹ پر پابندیاں، جو واٹس ایپ کو ان چیٹس کی ایکسپوٹ روکنے کے قابل بنائے گا جنہوں نے اس سیٹنگ کو فعال کیا ہو گا۔ اس سے نجی چیٹس کو محفوظ رکھنے اور غیر مجاز ڈیٹا منتقلی کو روکنے میں مدد ملے گی۔
