لاہور(نیا محاذ ) وفاقی وزیر اطلاعات عطا تارڑ کا کہنا ہے کہ ملک سے پنکی، گوگی اور کپتان کی نحوست کا سایہ چھٹ چکا ہے۔
نجی ٹی وی جیو نیوز کے مطابق لاہور میں اپنے حلقے میں خطاب کرتے ہوئے عطا تارڑ نے کہا کہ 190 ملین پاﺅنڈ کیس میں ایک ایسے وزیراعظم کو سزا ہوئی ہے جو تحفے میں ملی گھڑیاں بیچ کر کھاگیا تھا۔
انہوں نے کہا کہ ایک وزیراعظم چیزیں بیچتا تھا اور موجودہ وزیراعظم شفافیت سے کام کررہا ہے، ہم نے عوام سے جو وعدے کئے تھے وہ پورے کررہے ہیں اور یہ اپنے کئے ہوئے کاموں کی سزا ہی بھگت رہے ہیں۔
دوسری جانب پی ٹی آئی ترجمان شیخ وقاص نے عطا تارڑ کی گفتگو پر ردعمل میں کہا کہ 190 ملین پاﺅنڈ کیس کرپشن کا نہیں، انصاف کی نیلامی کا مقدمہ ہے، حکومت میں شرم ہوتی تو کیس کو پراپیگنڈے کا وسیلہ نہ بناتے،لوگوں کا ضمیر ہی نہیں خریدتے، جب جب یہ اقتدار پر بٹھائے گئے ملک اور عوام کوغربت اوربھوک نے گھیرا۔
0
