پشاور(نیا محاذ )سال 2024 میں بی آر ٹی پشاور میں چوری کے 27 واقعات ہوئے اور 28 ملزمان کو گرفتار بھی کیا گیا۔
نجی ٹی وی جیونیوز کے مطابق بی آر ٹی بس سروس پشاور میں سال 2024 میں چوری کی وارداتوں پر پولیس رپورٹ میں بتایا گیا کہ پشاور کے 9 تھانوں کی حدود میں بی آر ٹی میں چوری کے 27 واقعات ہوئے۔
پولیس رپورٹ کے مطابق تھانہ خان رازق میں 5، ٹاﺅن اورغربی میں 4، 4 کیس، تھانہ شہید گلفت میں 4 اور حیات آباد کی حدود میں چوری کے 3 واقعات پیش آئے۔
پولیس رپورٹ کے مطابق چوری کی وارداتوں میں بی آرٹی کے مسافر 3 لاکھ 50 ہزار روپے سے زائد رقم سے محروم ہوئے جبکہ مسافرڈھائی تولہ سونے اور 18 موبائل فونز سے بھی ہاتھ دھو بیٹھے۔
پولیس رپورٹ میں مزید بتایا گیا کہ بی آر ٹی میں چوری کرنےوالی 8 خواتین سمیت 28 ملزمان کوگرفتارکیا گیا جبکہ ملزمان سے 3لاکھ سے زائد رقم اور 17 موبائل فون برآمد کئے گئے۔
0
