کیپ ٹاؤن(نیوزڈیسک)جنوبی افریقہ میں 5.3 شدت کا زلزلہ ریکارڈ کیا گیا ہے۔
نجی ٹی وی چینل” جیو نیوز” کے مطابق یورپی بحیرہ احمر سیسمولوجیکل سینٹر نے تصدیق کی ہے کہ زلزلے کے جھٹکے جنوبی افریقہ اور نمیبیا میں محسوس کیے گئے ہیں۔خبر ایجنسی کی رپورٹ کے مطابق جنوبی افریقہ میں زلزلہ 10 کلو میٹر گہرائی میں آیا ہے۔
بتایا جارہا ہے کہ زلزلہ ملک کے دارالحکومت کیپ ٹاؤن کے شمالی علاقہ جات میں محسوس کیا گیا، البتہ زلزلے سے کسی قسم کے نقصان کی اطلاعات فی الحال موصول نہیں ہوئیں۔واضح رہے کہ پاکستان کرکٹ ٹیم دورہ جنوبی افریقہ پر ہے جبکہ دونوں ٹیموں کے درمیان آج تیسرا اور آخری ون ڈے جوہانسبرگ میں کھیلا جائے گا، میچ پاکستانی وقت کے مطابق شام 5 بجے شروع ہو گا۔
3 ایک روزہ میچوں کی سیریز میں پاکستان کو 2 صفر کی فیصلہ کن سبقت حاصل ہے جبکہ ٹی ٹوئنٹی سیریز جنوبی افریقہ نے 2صفر سے جیتی تھی، ایک ٹی ٹوئنٹی میچ بارش کے باعث نہیں ہو سکا تھا۔
