حیدر آباد(نیا محاذ)حیدرآباد ریلوے سٹیشن کے قریب کراچی ایکسپریس کی دو بوگیاں پٹری سے اتر گئیں۔نجی ٹی وی چینل آج نیوز کے مطابق ریلوے حکام کا کہنا ہے کہ یہ حادثہ سٹیشن سے روانہ ہونے کے فوراً بعد ریلوے یارڈ میں پیش آیا۔ خوش قسمتی سے، بوگیاں ٹریک سے اترنے کے باوجود کوئی جانی نقصان نہیں ہوا۔حادثے کے فوراً بعد ریلوے کا تکنیکی عملہ موقع پر پہنچ گیا اور بوگیوں کو دوبارہ ٹریک پر لانے کا کام شروع کر دیا۔ بوگیاں ٹریک سے اترنے کی وجہ سے اپ اور ڈاؤن ٹریک کی ریلوے ٹریفک معطل رہی، جس کی وجہ سے مسافروں کو کافی مشکلات کا سامنا کرنا پڑا۔بعد ازاں، کراچی ایکسپریس کی پٹری سے اترنے والی دو بوگیوں کو الگ کر کے اپ ٹریک کو بحال کر دیا گیا۔ اس کے نتیجے میں مختلف سٹیشنز پر روکی گئی ٹرینیں دوبارہ چل پڑیں، اور مسافروں کی آمد و رفت بحال ہو گئی۔ حکام نے اس حادثے کی تحقیقات شروع کر دی ہیں تاکہ مستقبل میں ایسے واقعات سے بچا جا سکے۔
0
