نئی دہلی (نیا محاز )بھارت میں ایک ایسے بچے کی پیدائش نے ڈاکٹرز کو چکرا کر رکھ دیا ہے، جہاں نومولود کی ہاتھ کی 13 اور پاؤں کی 12 انگلیاں موجود ہیں۔
تفصیلات کے مطابق بھارتی ریاست کرناٹکا کے ضلع بگلکوٹے میں یہ حیران کن خبر سامنے آئی ہے، جہاں نومولود بچہ ہاتھ کی 13 اور ٹانگ کی 12 انگلیوں کے ساتھ پیدا ہوا ہے۔اس منفرد بچے کی پیدائش پر جہاں ڈاکٹرز حیران تھے وہیں والدین نے اسے خدا کی طرف سے تحفہ قرار دے دیا ہے۔نومولود بچے کے دائیں ہاتھ پر 6 انگلیاں موجود ہیں جبکہ بائیں ہاتھ پر 7 انگلیاں موجود ہیں، اسی طرح دونوں ٹانگوں پر 6،6، انگلیاں موجود ہیں۔
اس پر موقع پر ڈاکٹرز کا کہنا ہے کہ ماں اور بچہ صحت مند ہیں جبکہ 35 سالہ ماں بچے کی پیدائش پر خوش اور جذباتی دکھائی دیتے ہیں جبکہ والد گورپا کنور بھی اہلیہ کی طرح خوش دکھائی دے رہے ہیں۔
واضح رہے کہ اس طرح بچے کی پیدائش کی صورتحال کو”پولی ڈیکٹیلی” کہا جاتا ہے۔
