یمن میں تارکین وطن کی کشتی الٹنے سے 45 افراد ڈوب گئے، ہلاکتوں کا خدشہ

صنعا (نیا محاز )یمن میں تارکین وطن کی کشتی الٹنے سے 45 افراد ڈوب گئے۔

اقوام متحدہ کے ہائی کمشنر برائے مہاجرین کی جانب سے بتایا گیا ہے کہ کشتی الٹنے کا واقعہ یمن کے شہر تائز گورنریٹ کے سمندر میں گزشتہ رات پیش آیا۔یو این ایجنسی نے بتایا کہ کشتی میں 45 تارکین وطن سوار تھے اور کشتی کو حادثہ تیز ہواو¿ں اور گنجائش سے زیادہ افراد کے سوار ہونے کی وجہ سے پیش آیا۔ایجنسی کے مطابق کشتی میں سوار 4 افراد کو زندہ بچا لیا گیا جبکہ ڈوبنے والے دیگر افراد کا تاحال معلوم نہ ہوسکا اور نہ ہی کشتی کے حوالے سے دیگر معلومات سامنے آئی ہیں ، دیگر افراد کی تلاش کے لئے ریسکیو آپریشن جاری ہے۔