کراچی (نیا محاز ) کراچی میں ہیٹ سٹروک سے مزید 4 افراد جاں بحق ہوگئے۔
کراچی شدید گرم اور مرطوب موسم کی لپیٹ میں ہے اور آج شہر میں زیادہ سے زیادہ درجہ حرارت 39.9 ڈگری رہا جبکہ گرمی کی شدت مختلف علاقوں میں 48 سے 50 ڈگری تک محسوس کی گئی۔شہر میں ہیٹ سٹروک سے مزید افراد بھی جاں بحق ہوگئے۔ انچارج ہیٹ سٹروک سیل سول ہسپتال ڈاکٹر نظام کے مطابق سول ہسپتال میں ہیٹ سٹروک سے 4 ہلاکتیں رپورٹ ہوئی ہیں۔
انہوں نے کہا کہ سول ہسپتال میں ہیٹ سٹروک سے ہلاکتوں کی تعداد 12 ہوگئی ہے۔آج ہیٹ سٹروک سے 63 کیسز رپورٹ ہوئے۔
دوسری جانب جناح ہسپتال میں بھی ہیٹ سٹروک کے مزید 17 کیسز رپورٹ ہوئے ہیں۔ انچارج ہیٹ سٹروک وارڈ جناح ہسپتال کے مطابق متاثرہ مریضوں کی عمر 32 سے 60سال کے درمیان ہے اور تمام مریض شدید ڈی ہائیڈریشن کا شکار تھے۔
ان کا کہناتھاکہ تمام متاثرہ مریض ہیٹ ایمرجنسی وارڈ میں زیرعلاج ہیں۔
