اگر عامر کا ویزا آج نہ آیا تو وہ انگلینڈ میں ٹی ٹونٹی سیریز کے لیے 15 مئی کو لیڈز میں ٹیم کے ساتھ جڑ سکتے ہیں
لاہور (نیا محاز تازہ ترین اخبار ۔ 9 مئی 2024ء ) پاکستان کے تیز گیند باز محمد عامر آئرلینڈ کے خلاف کل شیڈول پہلے ٹی ٹوٹنی سے باہر ہوچکے ہیں اور ان کی آئندہ میچوں میں شرکت بھی مشکوک ہے کیونکہ انہیں ابھی تک ویزا نہیں ملا ہے۔ مین ان گرین 10 مئی سے شروع ہونے والی سیریز کے لیے آئرلینڈ پہنچ گئے ہیں لیکن عامر ابھی تک پاکستان میں ہیں۔ تفصیلات کے مطابق اگر عامر کا ویزا جمعرات تک محفوظ نہ ہوا تو وہ انگلینڈ میں ٹی ٹونٹی سیریز کے لیے 15 مئی کو لیڈز میں ٹیم کے ساتھ جڑ سکتے ہیں۔
تجربہ کار فاسٹ باؤلر نے 2018ء میں آئرلینڈ میں ایک ٹیسٹ کھیلا ہے۔ دریں اثناء عامر کے میچوں سے باہر ہونے کی صورت میں ان کی جگہ کوئی متبادل کھلاڑی تیار نہیں کیا گیا ہے۔ ٹیم میں ان کے اہم کردار کے پیش نظر ان کی ممکنہ غیر موجودگی نے پاکستان کی ورلڈ کپ کی تیاریوں کو متاثر کیا ہے۔
پاکستان کرکٹ بورڈ (پی سی بی) عامر کے ویزا کی صورتحال کے حوالے سے کرکٹ آئرلینڈ کے ساتھ سرگرم عمل ہے۔
کاکول کیمپ کے فوراً بعد عامر سمیت تمام کھلاڑیوں کی ویزا درخواستوں پر کارروائی کی گئی تھی لیکن پی سی بی ہیڈ کوارٹر میں اضطراب نے اپنی لپیٹ میں لے لیا ہے کیونکہ عامر کے ویزا کی منظوری باقی ہے۔ یاد رہے کہ پاکستان کے دورہ آئرلینڈ کے اختتام کے بعد وہ T20 ورلڈ کپ 2024ء شروع ہونے سے پہلے چار میچوں کی T20I سیریز میں شرکت کے لیے برطانیہ جائیں گے۔
سیریز کے لیے آئرلینڈ کا سکواڈ پال اسٹرلنگ (کیپٹن)، مارک ایڈیر، راس ایڈیئر، اینڈریو بالبرنی، کرٹس کیمفر، گیرتھ ڈیلنی، جارج ڈوکریل، گراہم ہیوم، بیری میکارتھی، نیل راک، ہیری ٹییکٹر، لورکن ٹکر، بین وائٹ، کریگ ینگ پر مشتمل ہے۔ پاکستانی سکواڈ میں بابر اعظم، ابرار احمد، اعظم خان، فخر زمان، حارث رؤف، حسن علی، افتخار احمد، عماد وسیم، محمد عباس آفریدی، محمد عامر، محمد رضوان، عرفان خان، نسیم شاہ، صائم ایوب، سلمان آغا شاداب خان، شاہین آفریدی، عثمان خان شامل ہیں
