ملتان (نیا محاذ)ملتان کی شاہ رکن عالم کالونی میں گھر میں کام کرنے والی7 سالہ بچی سے مبینہ زیادتی کا واقعہ سامنے آیا ہے۔
نشتر ہسپتال کی انتظامیہ کے مطابق متاثرہ بچی کو گزشتہ رات ہسپتال لایا گیا، بچی کی حالت غیر تھی، فوری طور پر پولیس کو اطلاع کی گئی۔متاثرہ بچی کی والدہ نے پولیس کو بیان میں بتایا کہ بیٹی کو گزشتہ ماہ خاتون کے گھر کام کے لئے بھیجا تھا، 2 روز قبل گھر کی مالکن نے بلایا اور بیٹی میرے سپرد کر دی۔انہوں نے مزید بتایا کہ بچی ڈری ہوئی تھی اور بول بھی نہیں رہی تھی، لگ رہا ہے کہ بچی کے ساتھ زیادتی کی گئی، بچی کی حالت غیر تھی اس لئے نشتر ہسپتال لے آئی۔
پولیس کا کہنا ہے کہ متاثرہ بچی کی والدہ کی درخواست پر خاتون کے خلاف مقدمہ درج کر لیا گیا ہے، مزید کارروائی میڈیکل رپورٹ آنے کے بعد کی جائے گی۔
0
