ٹرمپ نے انتخابی نتائج پر تبصرہ کرتے ہوئے کہا کہ اگر وہ خود انتخابی میدان میں ہوتے تو نتائج بالکل مختلف ہوتے۔ ان کا کہنا تھا کہ ایران کے ساتھ جنگ اور بڑھتی ہوئی فیول قیمتوں کے علاوہ اسرائیل کے بارے میں امریکی عوام کے منفی جذبات بھی انتخابی نتائج پر اثرانداز ہوئے۔
امریکی صدر کے بیان میں ایران جنگ اور اسرائیل کے لیے امریکی عوام کی حمایت میں کمی کو انتخابی نقصان کی اہم وجوہات کے طور پر پیش کیا گیا۔ ٹرمپ کے مطابق ان معاملات نے ووٹروں کے رویوں اور انتخابی ترجیحات پر اثر ڈالا۔
تاہم ان کے بیان میں اس حوالے سے کوئی اعدادوشمار یا سروے پیش نہیں کیا گیا جس سے اسرائیل کے بارے میں امریکی عوام کی رائے یا انتخابی نتائج پر اس کے اثرات کا تعین کیا جاسکے۔
ٹرمپ نے اپنی انتخابی مہم میں براہِ راست حصہ نہ لینے کو بھی نتائج سے جوڑتے ہوئے کہا کہ ان کی موجودگی میں انتخابی صورت حال مختلف ہوسکتی تھی۔
