ابتدائی اندازوں کے مطابق فلم نے پہلے روز تقریباً 600 صبح کے شوز سے بھارت میں ایک کروڑ بھارتی روپے کی نیٹ کمائی کی۔ مجموعی اعداد و شمار کے حساب سے پہلے دن کا گراس کلیکشن تقریباً 1.17 کروڑ روپے بتایا جارہا ہے، جبکہ دن بھر کی مزید رپورٹس سامنے آنے کے بعد یہ رقم بڑھ سکتی ہے۔
فلم کی مقبولیت کا اندازہ اس کی ایڈوانس بکنگ سے بھی لگایا جاسکتا ہے۔ رپورٹس کے مطابق سات طے شدہ شو ڈیٹس کے لیے ایڈوانس بکنگ سے تقریباً 17.24 کروڑ روپے جمع ہوچکے ہیں، اور اس حساب میں بلاک کی گئی نشستیں شامل نہیں ہیں۔
علاقائی سطح پر مہاراشٹر فلم کی سب سے بڑی مارکیٹ بن کر سامنے آیا ہے، جہاں سے مجموعی گراس آمدنی کا 16 فیصد حاصل ہوا۔ دہلی اور تمل ناڈو بھی نمایاں مارکیٹس میں شامل ہیں، جبکہ این سی آر، بنگلورو اور ممبئی فلم کے بہترین کارکردگی دکھانے والے شہروں میں شمار ہورہے ہیں۔
