واشنگٹن (نیا محاذ)
امریکی صدر ڈونلڈ ٹرمپ نے ایران کے ساتھ مذاکرات میں بڑی کامیابی کا دعویٰ کیا ہے۔ صحافیوں سے گفتگو میں انہوں نے بتایا کہ ایران سے مزید بات چیت کی ضرورت ہے اور اچھی خبریں جلد سامنے آئیں گی۔
ٹرمپ کا کہنا تھا کہ مذاکرات میں ایران کے جوہری پروگرام کے علاوہ غزہ اور حماس کے امور پر بھی بات ہو رہی ہے، اور امریکا چاہتا ہے کہ جوہری ہتھیاروں کی دوڑ روکی جائے اور غزہ میں امن قائم ہو۔
انہوں نے واضح کیا کہ وہ بمباری اور عام شہریوں کے قتل عام کو برداشت نہیں کر سکتے۔ علاوہ ازیں، امریکی صدر نے روسی صدر ولادیمیر پیوٹن کے یوکرین میں بڑھتے ہوئے حملوں پر حیرت کا اظہار کیا۔
یہ پیش رفت عالمی سطح پر تشویش کے باوجود امن کی کوششوں کی ایک امید افزا جھلک کے طور پر دیکھی جا رہی ہے۔
0
