نیا محاذ: یمن میں جاری کشیدگی نے ایک بار پھر شدت اختیار کر لی ہے۔ امریکی جنگی طیاروں نے راس عیسیٰ کی بندرگاہ سمیت مختلف علاقوں پر بمباری کرتے ہوئے 13 مقامات کو نشانہ بنایا، جس کے نتیجے میں کم از کم 3 شہری جاں بحق اور درجنوں زخمی ہو گئے۔
ذرائع کے مطابق امریکی حملوں میں کئی رہائشی عمارتیں مکمل طور پر تباہ ہو گئیں، جس سے عام شہری شدید متاثر ہوئے ہیں۔ راس عیسیٰ بندرگاہ پر یہ دوسرا بڑا حملہ ہے، جو تجارتی اور انسانی امداد کے لیے ایک اہم مرکز سمجھا جاتا ہے۔
اقوام متحدہ کے سیکرٹری جنرل نے یمن میں امریکی بمباری پر گہری تشویش کا اظہار کیا ہے اور شہریوں کی حفاظت کو یقینی بنانے کی اپیل کی ہے۔ ان کا کہنا تھا کہ اس طرح کے حملے انسانی بحران کو مزید سنگین بنا سکتے ہیں۔
تجزیہ کاروں کے مطابق یمن میں جاری یہ صورتحال خطے کے امن اور عالمی سفارتی تعلقات پر گہرے اثرات ڈال سکتی ہے۔
0
