سپریم کورٹ کا عمران خان سے ملاقات کی درخواست مسترد، بغیر حکم نامہ ملاقات کی اجازت

اسلام آباد: (نیا محاذ) سپریم کورٹ کا عمران خان سپریم کورٹ نے سابق وزیراعظم اور بانی پی ٹی آئی عمران خان سے ملاقات کے لیے تحریری حکم نامہ جاری کرنے کی ان کے وکیل کی درخواست مسترد کر دی۔
عدالتی کارروائی کی تفصیل:
9 مئی کیسز میں عمران خان کے جسمانی ریمانڈ سے متعلق اپیل پر سماعت ہوئی۔
سماعت چیف جسٹس یحییٰ آفریدی کی سربراہی میں تین رکنی بینچ نے کی۔
سپیشل پراسیکیوٹر ذوالفقار نقوی نے عدالت کو بتایا کہ:
عمران خان کا پولی گرافکس اور وائس میچنگ ٹیسٹ باقی ہے۔
جسمانی ریمانڈ صرف ان دو ٹیسٹوں کے لیے درکار ہے۔
عمران خان نے تعاون نہیں کیا۔
چیف جسٹس نے ریمارکس دیے: “عدالت میں ایسی بات نہ کریں”
ذوالفقار نقوی نے فوری طور پر اپنے الفاظ واپس لے لیے۔
وکیل سلمان صفدر کا مؤقف:
عمران خان کے وکیل سلمان صفدر عدالت میں پیش ہوئے اور کہا:
میرے موکل پر 300 سے زائد مقدمات ہیں۔
غیر معمولی حالات ہیں، اس لیے عدالت خصوصی ہدایت جاری کرے تاکہ میں عمران خان سے مل سکوں۔
چیف جسٹس کا مکالمہ:
“جب آپ کو جانا ہے، چلے جائیں، ہم کوئی حکم نامہ جاری نہیں کریں گے”
“بغیر حکم نامے کے ملاقات کر لیں، ملاقات ہو جائے گی”
عدالت نے سلمان صفدر کو اڈیالہ جیل میں عمران خان سے ملاقات کے لیے وقت فراہم کر دیا۔
کیس کی سماعت 23 اپریل تک ملتوی کر دی گئی۔
رپورٹ: نیا محاذ