لاہور: (نیا محاذ) گرمی کی شدت، پنجاب بھر کے اسکولوں میں شدید گرمی کے پیش نظر محکمہ تعلیم نے فوری طور پر احتیاطی تدابیر پر عملدرآمد کا حکم جاری کر دیا ہے۔
محکمہ تعلیم کی جانب سے تمام تعلیمی اداروں کو ہدایت کی گئی ہے کہ طلبہ کو ٹھنڈا اور صاف پانی فراہم کیا جائے، اور بچوں کو روزانہ 8 سے 10 گلاس پانی پینے کے ساتھ ریفیلیبل بوتل ساتھ رکھنے کی تاکید کی جائے۔
اس کے علاوہ، کلاسز کو سایہ دار اور ہوا دار کمروں میں منتقل کرنے کی ہدایات بھی جاری کر دی گئی ہیں تاکہ طلبہ گرمی سے محفوظ رہ سکیں۔
محکمہ تعلیم نے سخت گرمی کے دوران آؤٹ ڈور سرگرمیوں پر مکمل پابندی عائد کر دی ہے، جبکہ ہیٹ اسٹروک کی علامات، احتیاطی تدابیر سے آگاہی اور ابتدائی طبی امداد کے لیے اسکولوں میں فرسٹ ایڈ کٹس کی دستیابی بھی لازمی قرار دی گئی ہے۔ عملے کو ایمرجنسی کی صورتحال سے نمٹنے کی تربیت دینے کی ہدایات بھی شامل ہیں۔
محکمہ تعلیم نے ان تمام اقدامات پر فوری عملدرآمد یقینی بنانے کا حکم دیا ہے تاکہ طلبہ کو گرمی کی شدت سے بچایا جا سکے۔
0
