نیامحاذ :پی ایس ایل 10 کے میچ آفیشلز کا اعلان ایچ بی ایل پاکستان سپر لیگ سیزن 10 کے لیے میچ آفیشلز کے ناموں کا باقاعدہ اعلان کر دیا گیا ہے۔ ایونٹ کے دوران 13 امپائرز اور 7 میچ ریفریز فرائض انجام دیں گے، جن میں بین الاقوامی اور مقامی آفیشلز شامل ہیں۔
ایونٹ 11 اپریل سے 18 مئی 2025 تک جاری رہے گا، جس میں آئی سی سی ایلیٹ پینل سے احسن رضا، پال رائفل اور کمار دھرما سینا امپائرنگ کریں گے۔ اس کے علاوہ الیکس واف اور کرس براؤن بھی امپائرز پینل کا حصہ ہوں گے۔
پاکستان کی جانب سے:
علیم ڈار
آصف یعقوب
فیصل خان آفریدی
راشد ریاض
وقار
یہ تمام آفیشلز پی سی بی انٹرنیشنل امپائرز پینل سے ہیں۔
اس کے علاوہ پی سی بی ایلیٹ پینل کے عبدالمقیت، ناصر حسین، طارق رشید اور ذوالفقار جان بھی امپائرنگ کے فرائض انجام دیں گے۔
واضح رہے کہ علیم ڈار یہ سیزن آخری مرتبہ امپائرنگ کے طور پر کھیل کا حصہ ہوں گے، جو کہ ایک تاریخی لمحہ ہو گا۔
دوسری جانب میچ ریفریز کی فہرست میں آئی سی سی ایلیٹ پینل سے رنجن مدوگالے اور روشن مہاناما نمایاں ہیں۔ پاکستان سے علی نقوی، محمد جاوید ملک، افتخار احمد، اقبال شیخ اور ندیم ارشد شامل ہوں گے۔
پی ایس ایل 10 میں آفیشلز کی یہ مضبوط لائن اپ ایونٹ کو بین الاقوامی معیار پر لے جائے گی، جو شائقین کرکٹ کے لیے ایک بہترین تجربہ ثابت ہوگا۔
