دنیا کا انوکھا علاقہ جہاں کتا اور بکرا بھی صدر رہ چکے ہیں

نیوزی لینڈ کے منفرد “جمہوریہ واہنگہ” کی دلچسپ کہانی
لاہور (ویب ڈیسک) – نیوزی لینڈ کے ایک دور افتادہ علاقے میں قائم “جمہوریہ واہنگہ” ایک ایسا منفرد خطہ ہے جس کے اپنے پاسپورٹ، سرحدیں اور رسم و رواج ہیں۔ دلچسپ بات یہ ہے کہ یہاں ماضی میں ایک کتا اور بکرا بھی الیکشن جیت کر صدر رہ چکے ہیں۔

نجی ٹی وی ایکسپریس نیوز کے مطابق، یہاں نہ انٹرنیٹ ہے نہ موبائل نیٹ ورک، اور 150 کسان خاندان سادہ اور فطری ماحول میں زندگی گزارنے کو ترجیح دیتے ہیں، جدید سہولیات کو کم اپناتے ہیں۔

جمہوریہ واہنگہ کا قیام کیسے ہوا؟
1989 میں، نیوزی لینڈ کی بیوروکریسی نے اس علاقے کو دوسری تحصیل میں شامل کرنے کا فیصلہ کیا، جس پر مقامی لوگوں نے شدید احتجاج کیا۔ اس فیصلے کے خلاف علامتی جمہوریہ قائم کر کے انتظامی نظام کا مذاق اڑایا اور افسر شاہی کو چیلنج کیا۔

سیاحوں کے لیے ایک دلچسپ مقام
آج، یہ جمہوریہ دنیا بھر کے سیاحوں کے لیے ایک پرکشش مقام بن چکا ہے۔ یہاں آنے والے افراد صرف 5 ڈالر میں “واہنگہ کا پاسپورٹ” خرید کر اس منفرد دیہی ماحول کا لطف اٹھاتے ہیں۔