کراچی(نیا محاذ)پاکستان سٹاک ایکسچینج میں ایک اور تاریخ ساز دن ، انڈیکس نے نئی بلند ترین سطح کو چھو لیا ، تبادلہ مارکیٹ میں روپے کے مقابلے میں ڈالر بھی سستا ہو گیا۔نجی ٹی وی چینل” آج نیوز “کے مطابق کاروباری ہفتے کے آخری روز سٹاک مارکیٹ میں کاروبار کے آغاز پر زبردست تیزی دیکھی گئی ، سٹاک ایکسچینج کے 100 انڈیکس میں 1044 پوائنٹس کا اضافہ ہوا جس کے بعد انڈیکس تاریخ کی بلند ترین سطح 1 لاکھ 9 ہزار 283 سے زائد پوائنٹس پرٹریڈکرتے دیکھا گیا۔
دوسری جانب انٹربینک میں پاکستانی روپے کے مقابلے میں امریکی کرنسی کی قیمت کم ہو گئی ہے ، انٹر بینک میں ڈالر 4 پیسے سستا ہونے کے بعد 277 روپے 90 پیسے کا ہو گیا۔واضح رہے گزشتہ روز بھی کاروبار کے آغاز پر ڈالر سستا ہوا تھا تاہم کاروبار کے اختتام پر قیمت بڑھ گئی تھی۔
