اسلام آباد: (نیا محاذ) وزیر خارجہ اسحاق ڈار اور سعودی وزیر خارجہ شہزادہ فیصل بن فرحان کے درمیان ٹیلیفونک رابطہ ہوا ہے، جس میں دونوں رہنماؤں نے خطے کی صورتحال اور دوطرفہ تعلقات پر تفصیلی گفتگو کی۔
ترجمان دفتر خارجہ کے مطابق گفتگو کے دوران پاکستان اور سعودی عرب کے درمیان تعلقات کے تمام پہلوؤں کا جائزہ لیا گیا۔ دونوں وزرائے خارجہ نے اس بات پر زور دیا کہ دوطرفہ تعاون کو مزید مستحکم کیا جائے گا۔
خطے میں امن و استحکام پر مشاورت
ٹیلیفونک رابطے میں خطے میں امن، استحکام اور باہمی تعاون کے لیے مشترکہ کوششوں پر بھی تبادلہ خیال ہوا۔ دونوں وزرائے خارجہ نے اس بات پر اتفاق کیا کہ پاکستان اور سعودی عرب کی شراکت داری دونوں اقوام کے لیے فائدہ مند ہے اور اسے مزید وسعت دی جائے گی۔
ترجمان کے مطابق دونوں ممالک نے مستقبل میں اعلیٰ سطحی وفود کے تبادلوں اور تجارتی تعاون بڑھانے کے عزم کا اعادہ بھی کیا ہے۔
0
