لاہور: پاکستان سپر لیگ سیزن 10 میں لاہور قلندرز نے بنگلادیش کے مایہ ناز آل راؤنڈر شکیب الحسن کو اپنی ٹیم میں شامل کر لیا ہے۔ شکیب اب پی ایس ایل 10 کے بقیہ میچز میں لاہور قلندرز کی نمائندگی کریں گے۔
لاہور قلندرز نے باضابطہ طور پر تصدیق کی ہے کہ شکیب الحسن 17 مئی کو اسلام آباد میں ٹیم کو جوائن کریں گے۔ انہیں ڈیرل مچل کی جگہ شامل کیا گیا ہے، جو حالیہ میچ کے دوران کراچی کنگز کے خلاف کھیلتے ہوئے انجری کا شکار ہو گئے تھے۔
شکیب الحسن نے لاہور قلندرز کا حصہ بننے پر خوشی کا اظہار کرتے ہوئے کہا کہ پی ایس ایل ایک بہترین پلیٹ فارم ہے اور وہ اس کا حصہ بن کر پرجوش ہیں۔ لاہور قلندرز کے ٹیم ڈائریکٹر ثمین رانا نے شکیب کی شمولیت کو ٹیم کے لیے ایک مثبت پیش رفت قرار دیا اور کہا کہ ان کی موجودگی ٹیم کے مورال کو مزید مضبوط کرے گی۔
شکیب الحسن کی شمولیت سے لاہور قلندرز کو آل راؤنڈ کارکردگی میں نمایاں بہتری کی امید ہے، جو کہ پی ایس ایل کے باقی میچز میں ٹیم کی کارکردگی پر گہرا اثر ڈال سکتی ہے۔
0
