لاہور: (نیا محاذ) پاکستان کرکٹ بورڈ (پی سی بی) نے ملک میں معطل شدہ ڈومیسٹک کرکٹ ایونٹس کو دوبارہ بحال کرنے کا فیصلہ کیا ہے، جس سے نوجوان کھلاڑیوں کو ایک بار پھر میدان میں اپنی صلاحیتیں دکھانے کا موقع ملے گا۔
پی سی بی کی جانب سے جاری کردہ اعلامیے کے مطابق “پریذیڈنٹ ٹرافی گریڈ ٹو” کے میچز بدھ سے دوبارہ شروع کیے جا رہے ہیں۔ اسی طرح ریجنل انٹرا ڈسٹرکٹ چیلنج کپ اور انڈر 19 ون ڈے انٹر ڈسٹرکٹ ٹورنامنٹ کا آغاز آج سے ہو رہا ہے۔
پی سی بی کے مطابق انڈر 19 ون ڈے ٹورنامنٹ کا کوارٹر فائنل مرحلہ 19 سے 21 مئی کے درمیان کھیلا جائے گا، جبکہ پریذیڈنٹ ٹرافی گریڈ ٹو کے سیمی فائنلز 24 سے 26 مئی اور فائنل 28 سے 31 مئی کے درمیان منعقد ہوں گے۔
یہ فیصلہ ملک میں کرکٹ کی سرگرمیوں کو جاری رکھنے اور نوجوان ٹیلنٹ کو فروغ دینے کے مقصد سے کیا گیا ہے، جو کہ کرکٹ کے مداحوں کے لیے ایک خوش آئند خبر ہے۔
0
