نیویارک: اقوام متحدہ میں پاکستان کے مستقل مشن نے بھارتی فوج کی جانب سے کیے گئے بزدلانہ حملے پر سلامتی کونسل کو باضابطہ طور پر آگاہ کر دیا ہے۔
مشن نے اقوام متحدہ کو یاد دہانی کرائی کہ پاکستان اقوام متحدہ کے چارٹر کے آرٹیکل 51 کے تحت اپنے دفاع کے حق کو محفوظ رکھتا ہے۔ اس آرٹیکل کے تحت ہر ریاست کو اپنے دفاع کے لیے اقدامات کا مکمل اختیار حاصل ہے۔
پاکستان کسی بھی جارحیت کا مؤثر جواب دینے کا حق رکھتا ہے
پاکستانی مشن نے اپنے باضابطہ بیان میں واضح کیا کہ بھارت کی جانب سے کی جانے والی حالیہ جارحیت کے پیش نظر پاکستان کو عالمی برادری کو اپنے مؤقف سے آگاہ کرنا ضروری سمجھا تاکہ بین الاقوامی قانون کے تحت اپنے دفاع کو یقینی بنایا جا سکے۔
امن کی خواہش، لیکن خودمختاری پر کوئی سمجھوتہ نہیں
بیان میں مزید کہا گیا کہ پاکستان خطے میں امن کا خواہاں ہے تاہم اپنی خودمختاری اور علاقائی سالمیت کے تحفظ کے لیے ہر ممکن اقدامات کا حق محفوظ رکھتا ہے۔ پاکستان کی اس پوزیشن کو عالمی سطح پر اہمیت دی جا رہی ہے۔
0
