رحیم یار خان: گڈو انٹرچینج کے قریب موٹر وے ایم فائیو پر پیش آنے والے المناک حادثے میں خواتین اور بچوں سمیت 8 قیمتی جانیں ضائع ہو گئیں جبکہ 10 افراد شدید زخمی ہو گئے۔
ریسکیو ذرائع کے مطابق حادثہ مسافر بس اور ٹرالر کے درمیان خوفناک تصادم کے باعث پیش آیا۔ جاں بحق اور زخمی ہونے والوں کو فوری طور پر قریبی اسپتال منتقل کر دیا گیا ہے، جہاں زخمیوں کو طبی امداد دی جا رہی ہے۔
بس کراچی سے راولپنڈی جا رہی تھی، ڈرائیور کو نیند آ گئی
ریسکیو حکام نے بتایا کہ متاثرہ بس کراچی سے راولپنڈی جا رہی تھی اور حادثے کی بنیادی وجہ تیز رفتاری اور ڈرائیور کو نیند آ جانا بنی۔ یہ حادثہ ایک بار پھر طویل مسافت پر دورانِ ڈرائیونگ احتیاط برتنے کی اہمیت کو اجاگر کرتا ہے۔
حکام نے بتایا کہ ہلاک شدگان میں خواتین اور بچے بھی شامل ہیں، جن کی شناخت کا عمل جاری ہے۔
0
