بھارتی حکومت کا نیا اقدام: اُشنا شاہ کا طنزیہ ردعمل، پاکستانی فنکاروں کے سوشل میڈیا اکاؤنٹس بھارت میں بلاک

کراچی: (نیا محاذ) پہلگام حملے کے بعد مودی حکومت نے ایک بار پھر پاکستان پر بے بنیاد الزامات لگاتے ہوئے متعدد پاکستانی فنکاروں اور کرکٹرز کے سوشل میڈیا اکاؤنٹس بھارت میں بند کر دیے ہیں۔ ان میں معروف اداکارہ اُشنا شاہ بھی شامل ہیں جنہوں نے بھارتی حکومت کے اس اقدام پر دلچسپ طنز کیا ہے۔
اداکارہ اُشنا شاہ نے انسٹاگرام پر ایک پوسٹ میں مودی حکومت کو مخاطب کرتے ہوئے لکھا:
“میری دنیا ہی اُجڑ گئی ابھی، مودی جی یہ کیا کر دیا”
اس کے ساتھ انہوں نے ٹوٹے دل اور رونے والے ایموجیز بھی استعمال کیے، جسے سوشل میڈیا صارفین نے خوب سراہا۔
سوشل میڈیا پر ایک صارف نے لکھا:
“کاش یہ طنز مودی کو سمجھ آجائے،”
جبکہ ایک اور صارف نے کہا:
“آپ جنہیں سمجھا رہی ہیں وہ عقل کے کچے ہیں، ورنہ ایسا بچگانہ اقدام کبھی نہ کرتے۔”
واضح رہے کہ بھارتی وزارت اطلاعات و نشریات نے ماہرہ خان، ہانیہ عامر، علی ظفر سمیت کئی معروف فنکاروں اور پاکستانی کرکٹرز کے سوشل میڈیا اکاؤنٹس پر بھی پابندی عائد کر دی ہے۔
تجزیہ کاروں کا ماننا ہے کہ یہ اقدام مودی سرکار کی بوکھلاہٹ اور فالس فلیگ آپریشن سے توجہ ہٹانے کی کوشش ہے، جس سے بھارت میں اظہار رائے کی آزادی پر بھی سوالات اٹھنے لگے ہیں۔