کراچی (نیا محاذ) – اسٹیٹ بینک آف پاکستان نے ملک کے زرمبادلہ ذخائر سے متعلق تازہ اعداد و شمار جاری کر دیے ہیں، جن کے مطابق گزشتہ ہفتے کے دوران قومی خزانے میں 12 کروڑ 70 لاکھ ڈالر کی کمی ریکارڈ کی گئی ہے۔
اسٹیٹ بینک کی رپورٹ کے مطابق 11 اپریل کو ختم ہونے والے ہفتے میں ملکی زرمبادلہ کے سرکاری ذخائر کم ہو کر 10 ارب 57 کروڑ 24 لاکھ ڈالر کی سطح پر آ گئے، جو کہ اس سے پچھلے ہفتے کے مقابلے میں واضح کمی ہے۔
اعلامیے میں مزید بتایا گیا کہ زرمبادلہ کے مجموعی ذخائر اس وقت 15 ارب 66 کروڑ 20 لاکھ ڈالر ہیں، جن میں سے کمرشل بینکوں کے پاس موجود ذخائر کی مالیت 5 ارب 8 کروڑ 96 لاکھ ڈالر ہے۔
ماہرین کا کہنا ہے کہ زرمبادلہ ذخائر میں کمی کی بنیادی وجہ قرضوں کی ادائیگیاں، درآمدی بلز اور مالیاتی لین دین ہو سکتی ہے، تاہم حکومت کی کوشش ہے کہ غیر ملکی سرمایہ کاری اور برآمدات میں اضافہ کر کے ان ذخائر کو مستحکم رکھا جائے۔
0
