واشنگٹن (نیا محاذ) –ایران جوہری ہتھیاروں کا خواب: سابق امریکی صدر ڈونلڈ ٹرمپ نے ایران کو خبردار کرتے ہوئے کہا ہے کہ جوہری ہتھیاروں کا خواب دیکھنا ترک کرے، ورنہ سنگین ردعمل کے لیے تیار رہے۔ انہوں نے دعویٰ کیا کہ ایران امریکہ کے ساتھ معاہدہ کرنا چاہتا ہے، لیکن یہ نہیں جانتا کہ کیسے۔
اپنے بیان میں ٹرمپ نے کہا کہ وہ ایران کے مسئلے کو ہمیشہ کے لیے حل کر دیں گے۔ ان کا کہنا تھا کہ جوہری ہتھیاروں کے بغیر بھی ایران ایک عظیم ملک بن سکتا ہے، مگر اسے اپنی پالیسیوں پر نظرثانی کرنا ہوگی۔
ادھر ایران اور امریکہ کے درمیان مذاکرات کا دوسرا دور آئندہ ہفتے متوقع ہے۔ اٹلی کے وزیر خارجہ انتونیو تاجانی نے تصدیق کی ہے کہ فریقین اور ثالث عمان نے روم کو ان مذاکرات کی میزبانی کے لیے منتخب کیا ہے۔
0
