کراچی کنگز کی شاندار فتح: پی ایس ایل سیزن 10 کے تیسرے میچ میں ملتان سلطانز کو 4 وکٹوں سے شکست

کراچی: (نیا محاذ) کراچی کنگز کی شاندار فتح، پاکستان سپر لیگ (پی ایس ایل) سیزن 10 کے تیسرے میچ میں کراچی کنگز نے ملتان سلطانز کو 4 وکٹوں سے شکست دے کر اہم کامیابی حاصل کی۔
یہ میچ نیشنل سٹیڈیم کراچی میں کھیلا گیا، جہاں کراچی کنگز نے ٹاس جیت کر فیلڈنگ کا فیصلہ کیا۔ ملتان سلطانز کی ٹیم نے پہلے بیٹنگ کرتے ہوئے 237 رنز کا ہدف دیا، جسے کراچی کنگز نے آخری اوور میں 6 وکٹوں کے نقصان پر حاصل کر لیا۔
کراچی کنگز کی جیت میں اہم کردار جیمز ونس کی شاندار بلے بازی نے ادا کیا، جنہوں نے 101 رنز کی جارحانہ اننگز کھیلی۔ ان کی اس اننگز نے کراچی کنگز کو فتح کی راہ پر گامزن کیا۔
کراچی کنگز کے دیگر کھلاڑیوں میں ڈیوڈ وارنر نے 12، ٹم سیفرٹ نے 32 رنز بنائے، جبکہ شان مسعود بغیر کسی رن کے آؤٹ ہوئے۔ عرفات منہاس نے 10 رنز بنائے، عباس آفریدی 9 اور عرفان خان 5 رنز بنا کر ناٹ آؤٹ واپس آئے۔
ملتان سلطانز کی جانب سے عاکف جاوید نے 3 وکٹیں حاصل کیں، جبکہ اسامہ میر اور مائیکل بریسویل نے ایک، ایک وکٹ حاصل کی۔
دوسری جانب، ملتان سلطانز کے اوپنرز محمد رضوان اور شائی ہوپ نے 55 رنز کی شراکت داری قائم کی۔ شائی ہوپ 8 رنز بنا کر حسن علی کی گیند پر کیچ ہو گئے، جس کا کیچ ٹم سیفرٹ نے لیا۔ عثمان خان نے 19 اور کامران غلام نے 36 رنز بنائے۔
ملتان سلطانز کے کپتان محمد رضوان نے شاندار بیٹنگ کا مظاہرہ کرتے ہوئے 63 گیندوں پر 105 رنز بنائے اور آؤٹ نہیں ہوئے، جبکہ مائیکل بریسویل نے 36 رنز ناٹ آؤٹ بنائے۔
کراچی کنگز کی جانب سے حسن علی، خوشدل شاہ اور عرفان خان نے ایک، ایک وکٹ حاصل کی۔
کراچی کنگز سکواڈ:
ڈیوڈ وارنر
جیمز ونس
شان مسعود
ٹم سیفرٹ
عرفان خان
خوشدل شاہ
ایڈم ملن
عرفات منہاس
حسن علی
فواد علی
عباس آفریدی
ملتان سلطانز سکواڈ:
محمد رضوان (کپتان)
شائی ہوپ
عثمان خان
افتخار احمد
کامران غلام
مائیکل بریسویل
شاہد عزیز
ڈیوڈ ولے
کرس جارڈن
اسامہ میر
عاکف جاوید
یاد رہے کہ کراچی کنگز اور ملتان سلطانز کے درمیان اب تک 13 میچز ہو چکے ہیں، جن میں سے 7 میچز ملتان سلطانز نے جیتے، جبکہ 6 میچز کراچی کنگز نے اپنے نام کیے ہیں۔