نیامحاذ :غزہ پر کنٹرول کی بات، امریکی صدر ڈونلڈ ٹرمپ نے کہا ہے کہ غزہ پر کنٹرول کرنا اور اسے ملکیت میں لانا ایک اچھا قدم ہے، اور اب وہ ایران کے ساتھ براہ راست بات چیت شروع کرنے جا رہے ہیں۔ صدر ٹرمپ نے اعلان کیا کہ ایران کے ساتھ بات چیت کا آغاز ہفتے سے ہوگا۔
صدر نے کہا کہ غزہ کی جنگ کو رکنے میں زیادہ وقت نہیں لگے گا، اور وہ حماس کی زیرحراست یرغمالیوں کی رہائی کے لیے کام کر رہے ہیں۔
ٹرمپ نے مزید بتایا کہ اسرائیلی وزیراعظم کے ساتھ ایران اور تجارت پر بات چیت ہوئی، اور ایران کے ساتھ براہ راست بات چیت کا مقصد معاہدہ کرنا ہے۔ ان کا کہنا تھا کہ اگر بات چیت کامیاب نہ ہوئی تو ایران کو بڑے خطرے کا سامنا ہوگا، کیونکہ ایٹمی ہتھیار ایران کے لیے ایک سنگین مسئلہ ہیں۔
ڈونلڈ ٹرمپ نے کہا کہ اگر ترکیہ کے ساتھ کوئی مسئلہ ہوا تو وہ اسے حل کریں گے۔ اسرائیلی وزیراعظم نے بتایا کہ غزہ سے متعلق ایک اور ڈیل کے لیے کام کر رہے ہیں، جس میں غزہ کے لوگوں کو کہیں بھی جانے کا اختیار دیا جائے گا۔
