نیامحاذ: اسلام آباد کی ڈسٹرکٹ اینڈ سیشن کورٹس نے وزیر اعلیٰ خیبرپختونخوا علی امین گنڈا پور کے خلاف شراب اور اسلحہ برآمدگی کیس میں وارنٹ گرفتاری برقرار رکھتے ہوئے کیس کی مزید سماعت 26 اپریل تک ملتوی کر دی۔
جوڈیشل مجسٹریٹ مبشر حسن چشتی کی زیر نگرانی کیس کی سماعت ہوئی۔ وکیل صفائی نے عدالت میں مؤقف اختیار کیا کہ علی امین گنڈا پور پشاور ہائی کورٹ سے ضمانت پر ہیں، اور درخواست کی کہ پہلے ان کی بریت کی درخواست پر سماعت کی جائے، جس کے لیے حاضری ضروری نہیں۔
تاہم، عدالت نے علی امین گنڈا پور کے وارنٹ گرفتاری برقرار رکھنے کا فیصلہ کیا، اور کیس کی اگلی سماعت 26 اپریل کو مقرر کی۔ وزیر اعلیٰ خیبرپختونخوا کے خلاف تھانہ بھارہ کہو میں شراب اور اسلحہ برآمدگی کا مقدمہ درج ہے۔
