مانسہرہ: سرکاری اسکول ٹیچر طلبہ کی غیر اخلاقی ویڈیوز بنانے کے الزام میں گرفتار
مانسہرہ (نیامحاذ) – خیبرپختونخوا کے ضلع مانسہرہ میں ایک سرکاری اسکول کے ٹیچر کو طلبہ کی غیر اخلاقی ویڈیوز بنانے اور انہیں سوشل میڈیا پر اپ لوڈ کرنے کے الزام میں گرفتار کر لیا گیا ہے۔
مقدمہ درج، پولیس کی فوری کارروائی
پولیس کے مطابق، ملزم طفیل کے خلاف لساں نواب تھانے میں مقدمہ درج کیا گیا ہے۔ یہ مقدمہ متاثرہ لڑکی کے بھائی ولید خورشید کی مدعیت میں درج کیا گیا، جس نے پولیس کو اطلاع دی کہ ملزم نے میسینجر پر اسے کچھ غیر اخلاقی ویڈیوز بھیجیں، جس کے بعد یہ معاملہ منظر عام پر آیا۔
دیگر بچیوں کو بھی بلیک میل کیا جاتا رہا
پولیس کا کہنا ہے کہ متاثرہ لڑکی نے تصدیق کی کہ یہ ویڈیوز اسی کی ہیں اور مزید انکشاف کیا کہ دیگر طالبات کو بھی بلیک میل کیا جا رہا تھا۔
ملزم کی تعیناتی اور گرفتاری
ملزم طفیل اس سے پہلے ہائی اسکول جندور میں تعینات تھا، بعد میں اس کا تبادلہ ہائی اسکول پڑھنہ میں کر دیا گیا۔ پولیس نے فوری کارروائی کرتے ہوئے ملزم کو ڈب مانسہرہ سے گرفتار کر لیا۔
اعلیٰ سطحی تحقیقات کا آغاز
پولیس نے اس کیس کی مزید تحقیقات کے لیے ڈی پی او مانسہرہ اور ایس پی سٹی کی نگرانی میں ایک تحقیقات ٹیم تشکیل دے دی ہے۔ ذرائع کے مطابق، پولیس اس واقعے میں ملوث دیگر ممکنہ افراد کی بھی چھان بین کر رہی ہے۔
