“سوشل میڈیا پر منفی پروپیگنڈا: علیمہ خان جے آئی ٹی میں دوبارہ طلب”

سوشل میڈیا پروپیگنڈا کیس: جے آئی ٹی نے علیمہ خان کو دوبارہ طلب کر لیا
اسلام آباد (نیامحاذ) – سوشل میڈیا پر منفی پروپیگنڈا کرنے کے معاملے پر مشترکہ تحقیقاتی ٹیم (جے آئی ٹی) نے سابق وزیر اعظم عمران خان کی بہن علیمہ خان کو دوبارہ طلب کر لیا ہے۔

نجی ٹی وی دنیا نیوز کے مطابق، جے آئی ٹی نے 14 مارچ کو علیمہ خان کو ذاتی حیثیت میں پیش ہونے کی ہدایت دی ہے۔ ذرائع کا کہنا ہے کہ جے آئی ٹی کے پاس اس معاملے میں مستند شواہد موجود ہیں۔

پہلے بھی طلبی پر پیش نہ ہوئیں
خیال رہے کہ اس سے قبل 12 مارچ کو بھی علیمہ خان کو طلب کیا گیا تھا، تاہم وہ جے آئی ٹی کے سامنے پیش نہیں ہوئیں۔

تحقیقات کی نگرانی کون کر رہا ہے؟
وفاقی حکومت کی جانب سے قائم اس جے آئی ٹی کی سربراہی آئی جی اسلام آباد پولیس کر رہے ہیں۔ یہ تحقیقاتی ٹیم الیکٹرانک جرائم کی روک تھام کے ایکٹ 2016 کے سیکشن 30 کے تحت تشکیل دی گئی ہے۔