رمضان کا پہلا عشرہ: مرغی کے گوشت کی قیمت میں ہوشربا اضافہ، عوام پریشان

راولپنڈی (نیامحاذ) – رمضان المبارک کے دوران بھی منافع خوری عروج پر، مرغی کا گوشت 850 سے 900 روپے فی کلو تک جا پہنچا۔

قیمتوں میں غیر معمولی اضافہ
زندہ برائلر مرغی کی قیمت 490 روپے فی کلو تک پہنچ گئی۔
مرغی کا گوشت 850 سے 900 روپے فی کلو میں فروخت ہو رہا ہے۔
ہول سیل مارکیٹ میں برائلر مرغی کی قیمت فی من 18,800 روپے تک جا پہنچی، جو پہلے 12 سے 14 ہزار روپے تھی۔
عوام کے لیے مشکلات مزید بڑھ گئیں
مرغی کی قیمتوں میں فی من 4,800 روپے کے اضافے نے عوام کی پریشانیوں میں مزید اضافہ کر دیا ہے۔ پہلے ہی بکرے اور گائے بھینس کا گوشت غریب عوام کی پہنچ سے باہر تھا، اب مرغی کا گوشت بھی مہنگا ہوگیا ہے۔

پرائس کنٹرول کمیٹیاں غیر فعال؟
عوام نے مطالبہ کیا ہے کہ پرائس کنٹرول مجسٹریٹ فوری اقدامات کریں اور ذخیرہ اندوزوں کے خلاف سخت کارروائی کی جائے تاکہ ماہ رمضان میں عوام کو ریلیف مل سکے۔