گوجرانوالہ(نیامحاذ): وفاقی تحقیقاتی ایجنسی (ایف آئی اے) نے لیبیا کشتی حادثہ کیس میں ملوث اہم ملزم عثمان خان کو گجرات سے گرفتار کر لیا۔
نجی ٹی وی جیو نیوز کے مطابق، ترجمان ایف آئی اے کا کہنا ہے کہ گرفتار ملزم کا نام وزارت داخلہ کی ریڈ بک میں شامل تھا۔ ایف آئی اے حکام کے مطابق، عثمان خان نے ایک شہری سے یورپ بھجوانے کے لیے 24 لاکھ روپے وصول کیے تھے اور وہ پہلے بھی متعدد مقدمات میں مطلوب تھا۔
ترجمان کے مطابق، ملزم کو تھانہ ایف آئی اے منتقل کر دیا گیا ہے، جہاں اس سے مزید تحقیقات جاری ہیں۔ یاد رہے کہ 5 فروری کو لیبیا میں تارکین وطن کی کشتی حادثے کا شکار ہوئی تھی، جس میں 16 پاکستانی جاں بحق ہو گئے تھے۔
