اسلام آباد(نیامحاذ): انسداد دہشتگردی عدالت نے سنگجانی جلسہ کیس میں پاکستان تحریک انصاف (پی ٹی آئی) کے رہنماؤں عمر ایوب اور زرتاج گل کی ضمانت منظور کر لی۔
نجی ٹی وی جیو نیوز کے مطابق، اسلام آباد کی انسداد دہشتگردی عدالت (اے ٹی سی) میں کیس کی سماعت ہوئی، تاہم جج ابوالحسنات ذوالقرنین کی رخصت کے باعث ڈیوٹی جج طاہر عباس سپرا نے سماعت کی۔
دوران سماعت، عمر ایوب اور زرتاج گل کے وکیل سردار مصروف عدالت میں پیش ہوئے، جس کے بعد عدالت نے دونوں رہنماؤں کی ضمانت 5 ہزار روپے کے مچلکوں کے عوض منظور کر لی۔
