ممبئی (ویب ڈیسک) بھارتی ماہر نجوم نے بالی ووڈ کی فلمی جوڑی سوناکشی سہنااورظہیر اقبال کی شادیوں کوطلاق پر ختم ہو نے کی پیش گوئی کی ہے، اتنا ہی نہیں، انہوں نے سوناکشی اور ظہیر کی طلاق کے طریقہ کار کے بارے میں کچھ چونکا دینے والی تفصیلات کا بھی ذکر کیا۔ماہر نجوم سشیل کمار سنگھ حال ہی میں ایک پوڈ کاسٹ پر نظر آئے اور اسی دوران گفتگو کرتے ہوئے انہوں نے مستقبل میں طلاق کی پیش گوئی کی، جب نجومی نے سوناکشی اور ظہیر کے تعلقات کے خاتمے کی پیش گوئی کی تو میزبان جے نے اپنے صدمے کا اظہار کرتے ہوئے کہا کہ جوڑے نے حال ہی میں شادی کی ہے۔
نجومی نے اپنی پیش گوئی میں ان حالات کے بارے میں مزید تفصیلات شامل کیں جن میں طلاق واقع ہو گی۔ سشیل کمار سنگھ نے وضاحت کی کہ سوناکشی سنہا کی طلاق ہوگی لیکن بچہ ہوجانے اور بہت لڑائی جھگڑے کے بعد۔ بچے کی پیدائش کے بعد دونوں میں شدید بحث و تکرار ہوگی، جو ہاتھا پائی تک بھی پہنچ سکتی ہے۔ اس شادی کا اختتام انتہائی خراب ہوگا۔
فی الحال سوناکشی سنہا اور ظہیر اقبال شادی کے بعد کے دن خوشیوں سے بھرپور گزر رہے ہیں، یہ جوڑا حال ہی میں آسٹریلیا میں نئے سال کا جشن منانے کے لیے پہنچا، جہاں انہوں نے مختلف تفریحات کا لطف اٹھایا۔نیا شادی شدہ جوڑا اپنے مداحوں کو اپنی چھٹیوں کی تازہ ترین خبروں سے اپڈیٹ رکھتا ہے۔ بنجی جمپنگ، سکائی ڈائیونگ، کرکٹ میچز، اور سفاری کی یادگار لمحات نے ان کی چھٹیوں کو خاص بنایا ہے۔
کیا یہ پیش گوئی سچ ثابت ہوگی؟ اس کا جواب تو وقت ہی دے گا، لیکن فی الحال شائقین کی نظریں ان دونوں پر مرکوز ہیں۔سوناکشی سنہا اور ظہیر اقبال جون 2024 میں رشتہ ازدواج میں بندھ چکے ہیں۔ دونوں جوڑے اپنی محبت اور خوشیوں کے لیے جانے جاتے ہیں، لیکن حال ہی میں ماہر نجوم سشیل کمار سنگھ نے ایک حیران کن پیش گوئی کی ہے۔سشیل کمار سنگھ کا کہنا ہے کہ دونوں کی شادی طلاق پر ختم ہو گی۔
