کراچی (ویب ڈیسک) گلشن جمال میں ڈاکوؤں نے دن دیہاڑے نوبیاہتا جوڑے کو لوٹ لیا ، ڈاکوؤں نے 30 سکینڈ میں دیدہ دلیری سے لوٹ مار کی ۔
آج نیوز کے مطابق گزشتہ روز نئی نویلی دلہن اپنے شوہر کے ساتھ گھر کے دروازے پر پہنچی تو ڈکیت آگئے ، موٹر سائیکل سوار مسلح ملزمان نے نئی دلہن پر اسلحہ تان لیا ۔
ملزمان نئے جوڑے سے موبائل فون، نقدی، دلہن کا پرس اور دیگر سامان لوٹ کر فرارہوگئے، مسلح ڈکیت واردات کے بعد موقع سے فرار ہو گئے، انہی ملزمان نے 3 دسمبر کو بھی گلشن جمال میں خاتون سے لوٹ مار کی تھی۔
