کوئٹہ(نیا مھاذ)بلوچستان حکومت نے 30 ہزار باہمت باصلاحیت اور ہنر مند نوجوانوں کو روزگار فراہم کرنے کی غرض سے بیرون ملک بھجوانے کے اقدامات کا آغاز کر دیا ہے۔ اس حوالے سے جرمنی، رومانیہ اور سعودی عرب سے معاملات طے پا گئے ہیں۔نجی ٹی وی چینل آج نیوز کے مطابق بلوچستان کے بے روزگار نوجوانوں کی آخر سن لی گئی ہے، حکومت نے بیرون ملک ملازمت کا بندوبست کر دیا ہے، بلوچستان ٹیکنکل ایجوکیشن اینڈ ووکیشنل ٹریننگ اتھارٹی (BTEVTA) کی جانب سے اس پر کام شروع کر دیا گیا ہے۔
پہلے مرحلے میں 6 ہزار نوجوانوں کی درخواستیں موصول ہوئیں جن کی سکرینگ کے بعد تربیت کا عمل شروع ہو گا.منتخب امیدواروں کو سعودی عرب اور رومانیہ تعمیرات کے شعبہ میں کام کے لیے بھجوایا جائے گا۔جرمنی کے لیے منتخب نوجوانوں کو صحت اور آئی ٹی کے شعبوں میں ملازمتیں ملیں گی۔
بلوچستان کے نوجوانوں کو عالمی سطح پر روزگار کے مواقع ملنے سے بے بیروزگاری کی شرح میں کمی کے ساتھ معیشت بہتر ہو گی اور خوشحالی آئے گی۔
