اسلام آباد ( نیا محاذ ) سپیکر قومی اسمبلی سردار ایاز صادق نے چین کے وزیر اعظم لی چیانگ سے ملاقات کی ہے۔
دونوں رہنماو¿ں کے درمیان ہونے والی ملاقات میں قومی اسمبلی اور چینی پارلیمان کے درمیان روابط کے فروغ اور دونوں ممالک کے درمیان تجارتی تعلقات میں مزید وسعت دینے پر اتفاق ہوا۔ملاقات میں علاقائی امن اور استحکام کے لئے مشترکہ کوششوں پر بھی دونوں رہنماو¿ں نے اتفاق کیا جبکہ توانائی کے شعبے میں مشترکہ منصوبوں کی اہمیت پر بھی گفتگو کی گئی۔
اس موقع پر گفتگو کرتے ہوئے سپیکر قومی اسمبلی سردار ایاز صادق کا کہنا تھا کہ شنگھائی تعاون تنظیم کے اجلاس کی میزبانی پاکستان کے لئے اعزاز ہے، شنگھائی تعاون تنظیم کے فورم سے علاقائی تعاون کو فروغ ملے گاایس سی او کے اجلاس سے علاقائی استحکام کو تقویت ملے گی۔انہوں نے کہا کہ پاکستان شنگھائی تعاون تنظیم کے پلیٹ فارم کو بہت اہمیت دیتا ہے، ایس سی او کے اجلاس سے عالمی سطح پر پاکستان کا مثبت تاثر اجاگر ہوگا، شنگھائی تعاون تنظیم کے پلیٹ فارم سے علاقائی ترقی کے لئے کام کریں گے، پاک چین اقتصادی راہداری (سی پیک )کے منصوبے دونوں ممالک کے لئے خصوصی اہمیت کے حامل ہیں۔
سپیکر قومی اسمبلی کا کہنا تھا کہ پاکستان میں مختلف شعبوں میں سرمایہ کاری کے وسیع تر مواقع موجود ہیں، تعلیمی اور سائنسی تعاون بڑھانے کی بھی ضرورت ہے، ٹیکنالوجی اور ڈیجیٹل معیشت میں تعاون سے پاکستانی عوام کو بہت فائدہ ہوگا۔
ایاز صادق نے مزید کہا کہ چین پاکستان کا سٹریٹجک شراکت دار ہے، مستقبل میں تعاون کو مزید فروغ دیا جائے گا ،پاکستان اور چین کے مابین پارلیمان کی سطح پر تعاون بڑھایا جائے گا، مستقبل میں پارلیمانی وفود کے تبادلے کو فروغ دیا جائے گا۔
0
