حکومتی اتحاد جو ترامیم کرنا چاہتے ہیں وہ خطرناک ہیں،عمر ایوب

گوجرانوالہ(نیا محاذ)اپوزیشن لیڈر قومی اسمبلی عمر ایوب نے کہاہے کہ یہ لوگ جو ترامیم کرنا چاہتے ہیں وہ خطرناک ہیں۔نجی ٹی وی چینل سما نیوز کے مطابق عمرایوب کاکہناتھا کہ ان کے پاس نمبرز پورے نہیں ، یہ کیسے ترامیم کر سکتے ہیں،ہمارے لوگوں کو اٹھایا گیا جس کی شکایت کمیٹی میں بھی کی،ان کاکہناتھا کہ کسی کے ماتھے پر نہیں لکھا کہ کس کا بندہ ہے،کمیٹی میں بلاول بھٹو، خورشیدشاہ، اعظم نذیر تارڑ سب تھے، اپوزیشن لیڈر نے کہاکہ ہم حق پر ہیں ، یہ غلط راستے پر ہیں۔