اسلام آباد(نیا محاز )بانی پی ٹی آئی عمران خان کی 6اوراہلیہ بشریٰ بی بی کی ایک درخواست ضمانت پر سماعت4جون تک ملتوی کردی ۔
نجی ٹی وی چینل جیو نیوز کے مطابق ڈسٹرکٹ اینڈ سیشن کورٹ اسلام آبادمیں بانی پی ٹی آئی کی 6اوراہلیہ بشریٰ بی بی کی ایک درخواست ضمانت پر سماعت ہوئی،ایڈیشنل سیشن جج افضل مجوکا نے درخواستوں پر سماعت کی،پی ٹی آئی وکلا نے سماعت ملتوی کرکے آئندہ تاریخ پر دلائل دینے کی استدعا کردی۔
پی ٹی آئی وکیل نے کہاکہ آج 190ملین پاؤنڈز کیس اور دوپہر میں سائفر کیس کی ماعت ہے،جج افضل مجوکا نے کہاکہ میں گزشتہ سماعت پر بھی لمبی تاریخ دینا چاہ رہا تھا،آپ نے ہی ضمانتوں پر دلائل کیلئے آج کی تاریخ رکھوائی،پی ٹی آئی وکیل نے کہاکہ ہمیں لگا سائفر کیس ختم ہو جائے گا لیکن آج سماعت مقرر ہے،گزشتہ سماعت پر اڈیالہ جیل حکام نے بتایا تھا کہ ویڈیو لنک سسٹم ہری پور سے آ رہا ہے،ویڈیو لنک سسٹم آ چکا ہے، اڈیالہ جیل حکام کو بانی پی ٹی آئی کی حاضری کی ہدایت کی جائے،عدالت نے بانی پی ٹی آئی اور بشریٰ بی بی کی درخواست ضمانتوں پر سماعت 4جون تک ملتوی کردی ۔
