امریکی وزیر دفاع نے کہا کہ صدر ٹرمپ نے ایران کو بڑی شکست دیکر نئی تاریخ رقم کی ہے۔ انھیں وہ کامیابی ملی جو اب تک کسی کو نہیں ملی تھی۔
امریکی وزیرِ دفاع پیٹ ہیگستھ نے کہا ہے کہ ایرانی حکومت اب نئے اور مختلف لوگوں کا ایک گروپ ہے جو مذاکرات کے حامی ہیں۔
جب ان سے ایران کی افزودہ یورینیم حوالے کرنے سے متعلق پوچھا گیا تو انھوں نے جواب دیا کہ امریکا کی ہمیشہ سے یہی شرط رہی ہے کہ ایران کے پاس جوہری ہتھیار نہ ہوں۔
پیٹ ہیگستھ نے کہا کہ ایران کو جنگ میں شدید نقصان پہنچایا ہے۔ اس کی فضائیہ اور نیوی کو تباہ کردیا اور جوہری صلاحیت کو بھی شدید گزند پہنچی ہے۔
امریکی وزیرِ دفاع پیٹ ہیگستھ نے دعویٰ کیا ہے کہ ایران نے جنگ بندی کے لیے خود بھیک مانگی تھی جس پر صدر ٹرمپ نے رحم سے کام لیا۔
